Osmani mban fjalim në U.S. Naval War College: Shumë prej të pranishmëve shërbyen gjatë intervenimit të NATO-s në Kosovë

20:59 | 16 Dhjetor 2024
E.G

Presidentja e vendit, Vjosa Osmani ka mbajtur fjalim në U.S. Naval War College, në kuadër të Simpoziumit Ndërkombëtar për Gratë, Paqen dhe Sigurinë.

Osmani ka thënë se sot ka folur para qindra pjesëtarëve të forcave detare, shumë prej të cilëve kishin shërbyer në vitin 1999 gjatë intervenimit të NATO-s në Kosovë, shkruan Reporteri.net.

Ajo ka thënë se është mirënjohëse ndaj Sekretarit amerikan të Marinës për ftesën, derisa ka publikuar video nga fjalimi.

“Sot, në U.S. Naval Ëar College, para qindra pjesëtarëve të forcave detare, shumë prej të cilëve kishin shërbyer në vitin 1999 gjatë intervenimit të NATO-s në Kosovë, dhe shumë të tjerë si studentë sot e kontribues për paqen dhe sigurinë globale nesër. Jam mirënjohëse ndaj Sekretarit amerikan të Marinës për ftesën që të flas sot në Simpoziumin Ndërkombëtar për Gratë, Paqen dhe Sigurinë”, ka shkruar Osmani./Arbresh.info/